Пролетта е таа, која за многу скопјани претставува инспирација од својот блакон или двор да направат мало царство во кое ќе можат да уживаат и тие, а и они кои ќе поминуваат по улицата и кои ќе се восхитуваат на она што го гледаат.

Едно од омилените цвеќиња на жителите на главниот град кој е уникатен украс е петунијата.

Таа е сезонско цвеќе, едно од најраспространетите цветни видови во летниот период, посебно на балконите како саксиско цвеќе, но и во дворот. Доколку уживате во цвеќето, вистинско време е да ја подготвите вашата тераса за петунија. Ова цвеќе е чувствително на дожд, но и покрај тоа, поради прекрасните шарени бои на цветовите шири добро расположение.

Петуниите одговараат на сончево место на кое има сонце преку ден. Ако се засадат на полусончево место, во текот на летото треба да се полеваат еднаш дневно. На сончевата страна петуниите бараат да се полеваат барем два пати дневно.

Најважно е петунијата никогаш да не остане без влага. Се полева редовно, но и умрено за да не дојде до скапување, рано наутро или навечер со млака вода. Се препорачува да се полева со отстоена вода. При полевањето не треба да се мократ листовите. За полевањето да биде поедноставно може да се монтира систем ,,капка по капка” или билката да се засади во самополевачки саксии.

Што е посветла бојата на цвеќето, тоа е поголема потребата за ѓубрење. Еднаш седмично се потхранува со ѓубриво кое е збогатено со фосфор и грозје. Ако листовите на петуниите се бледи и светли, а на нив јасно се распознаваат жилите значи дека храната не им е доволна.

Сувите цветови и листови не смеат да се отстрануваат, бидејќи ако им се откине било кој зелен дел од билката, на откинатото место настанува рана на која се фаќаат бактерии и останати причинители на болести.

Ако листовите често се сушат и жолтеат тоа може да биде показател дека треба да им се зголеми исхраната.

Важно да се напомене е дека петуниите се садат во висечки корпи, саксии, жардиниери или сандучиња на балконите или прозорците.

Можат да се пресадуваат кон средината на мај на сончево место на површина 30 х 40 см на пропустлива почва, која не е многу наѓубрена. При суша мора да се залеваат обилно и тоа секој ден. Овенатите цветови треба веднаш да се отстранат.