Колумбиската пејачка Шакира и ФИФА ќе издвојат 500.000 долари за поддршка на децата погодени од разорните земјотреси во Венецуела.
фото: Christopher Polk
Средствата ќе бидат наменети за локални организации кои работат на обновување на образованието во најпогодените подрачја.
Донацијата ќе помогне училиштата повторно да започнат со работа, наставниците да добијат потребна поддршка, а илјадници деца да се вратат во училниците по катастрофата. Во видео објавено на социјалните мрежи, Шакира истакна дека образованието е една од најважните работи што може да им се обезбеди на децата во време на криза и повика локалните организации да аплицираат за финансиска помош.
Оваа иницијатива се надоврзува на одлуката што Шакира ја соопшти во мај – дека сите приходи од нејзината официјална песна за Светското првенство 2026, „Dai Dai“, ќе бидат донирани во FIFA Global Citizen Education Fund. Фондот има цел да обезбеди средства за подобар пристап до образование за децата ширум светот, а дел од тие средства сега ќе бидат искористени за обновата на Венецуела по катастрофалните земјотреси.
