Совршениот ручек на лето е тешко да се смисли. Сите бараме нешто лесно, брзо и вкусно. Поради тоа секој мора да ја проба оваа салата со киноа.
За да ја приготвите салатата ви требаат неколку намирници кои сите ги имаме во домот.
Најпрво ставете две чаши вода да зоврие во тенџере. Потоа, кога водата е зовриена додадете една чаша киноа и посолете. Измешајте ја солта, жешката вода и киноата и оставете да се вари 15 минути.
Додека киноата се вари вие почнете да ги сечкате на многу ситно доматите, краставичките и марулката. Кога јајцето ќе се свари и тоа исечкајте го на ситни парчиња. Тајната е во тоа да имате што е можно поситни парчиња зеленчук.
Во моментот кога киноата е готова, по 15 минути, тргнете го тенџерето од оган и ставете ги внатре ситно исечканите зеленчуци, јајцето, пченката и црвениот грав. Додадете сусам и промешајте сѐ заедно.
По желба можете да додадете дополнително сол, масло или италијански сос за сервирање.
Јадењето е готово за помалку од половина час, а вашиот желудник ќе ви биде благодарен за здравиот ручек полн со витамини и хранливи материи.