Градоначалникот на Ѓорче Петров денес потпиша нови решенија за надоместокот за новороденче кој, согласно одлуката од минатата година, е зголемен од 5000 на 7000 денари!
- Оваа поддршка е дел од нашата заложба за поттикнување на населението и подобрување на условите за младите семејства во Ѓорче Петров. Во тек е изградбата на нова градинка во Стопански Двор, а истовремено подготвуваме документација за уште две нови градинки, порача првиот човек на општината.
- Ние не застануваме – инвестираме во инфраструктурата која ќе ја подобри иднината на секое дете. Нашата визија е јасна – создавање услови за развој, грижа и иднина за секое семејство! - дециден е Стојковски.
