Седум општини почнуваат со развој на социјални услуги на локално ниво

Министерството за труд и соцјална политика денеска потпиша грантови за развој на социјални услуги со општините Карпош, Берово, Чаир, Липково, Демир Капија, Ново Село, Василево и Кисела Вода​. Ова се првите седум од 24-те општини кои ги исполниле условите за добивање грант. Проектот предвидува развој на помош и нега за стари лица во домот, помош за лица со попреченост, отворање дневни центри за стари лица и за лица со попречености, како и поддржано живеење.

-Се работи за воспоставување на социјални услуги на локално ниво таму каде живеат корисниците.  Ова говори дека Младата и Министетството заедно со општините, но и со невладиниот сектор се вклучуваат во имплементација на социјалната реформа со една единствен цел услугите да ги доближиме до корисниците во нивната природна животна средина. Ова дополнително значи и отворање нови работни места затоа што во нивните локални средини вклучително и во најоддалечните места овозможуваме вработување односно плаќање на работа на даватели на социјални услуги на тешко вработливите граѓани во нашата држава, изјави министерката за труд и социјална политика Јагода Шахпаска.

Таа појасни дејка се воспоставува нова методологија на финансирање на социјалните услуги, проект кој го МТСП го работи заедбо со СБ и чие траење е предвидено за следните пет години.

-МТСП објави повик на кој 24 општини ги исполнија условите со поднесените апликации и со нив воспоставуваме првична соработка. Министерството ќе ја дава поддршката на општините во воспоставувањето на овие сервиси, но она што е многу значајно, не само во периодот на воспоствување во првите 12 месеци период кој ќе биде платен од СБ, туку системот треба да продолжи да биде одржлив за што ние како одговорна влада ќе правиме буџетски проекции за периодот кој следува, рече Шахпаска.

Најави дека следната година ќе биде отворен нов јавен повик на кој ќе се јават останатите општини кои годинава не успеале да влезат во заедничкиот проект.

-Сакаме квалитетна социјална услуга да даваме на сите корисници во нивната природна животна средина. Проектот предвидува помош и нега за стари лица во домот, помош за лица со попреченост, отворање дневни центри за стари лица и за лица со попречености, како и поддржано живеење, истакна министерката за труд и социјална политика.

Според неа, денеска се потпишуваат договори за отпочнување на овој проект со првите седум општини. Тие во следните пет месеци треба да изградат капацитети на дватели на овие услуги, а по 1 април да почне спроведувањето односно директно корисниците, дури и во најоодалечените места, да ги уживаат придобивките од, како што потенцира, вистинската грижа за граѓаните.