Патничко моторно возило се превртело синоќа по удар во две паркирани возила во Кавадарци. Оваа информација ја потврдија утрово за МИА од СВР Велес.
– Синоќа во 22.50 часот случена е сообраќајна незгода во која патнички автомобил марка Ауди со кавадаречки регистарски ознаки сопственост и управуван од Т.О (25) од Кавадарци, удрил во две паркирани возила. Т.О е пренесен во ЈЗУ ОБ Кавадарци каде му се констатирани телесни повреди, а увид извршила екипа од ОВР Кавадарци, појаснија од СВР Велес.
Станува збор за второ возило кое се превртело синоќа во Кавадарци, откако претходно, вчера попладне, првото се преврте во централното градско подрачје.
