Вчера околу 13.30 часот во менувачница на ул. „Московска“ во Скопје непознат сторител извршил разбојништво во обид.
Сторителот се претставил како вработен во Управата за јавни приходи и побарал да влезе позади пултот, но вработената не му дозволила.
Потоа излегол надвор и со камен почнал да удира во шалтерското стакло.
Во тој момент вработената го вклучила алармот, а сторителот избегал. Се преземаат мерки за пронаоѓање на сторителот и за целосно расчистување на случајот.