Екипите на општинската комунална служба продолжуваат со чистење на дивите депонии кои се едни од најголемите загадувачи на животната средина.
Со сиот свој капацитет и ресурси се обидуваме да ја промениме грдата слика која се создава покрај кејот на Вардар. Денеска, подигнати се 2 камиони на отпад или 10 кубни метри претежно градежен смет од дивата депонија покрај Вардар во населбата Хром. Акцијата ќе продолжи и утре а за целосно отстранување на дивата депонија, општината ќе бара соодветна асистенција и механизација од јавните претпријатија на Град Скопје.
Депониите од кои се шири неподнослива реа и се извор и потенцијална закана од заразни болести ги создаваат самите граѓани. Апелираме на совесност, граѓани да престанат со недоличното однесување и исфрлање на сметот во овие диви депониите и истиот да го одлагаат во поставените контејнери за таа намена.