Се бара карта плус за концерот на Чолиќ во Скопје

Голем интерес за најавениот концерт на легендарниот Здравко Чолиќ во Скопје. 

По шест години тој се враќа ексклузивно во Скопје, за прв пат со симфониски оркестар, а скопјани бараат карта плус. 

- По рекордно распродадените два концерта, неверојатниот интерес не само што не стивнува туку барањата од публиката се уште поинтензивни, а за сите вас со задоволство организираме и трет концерт за овој ексклузивен музички настан, велат организаторите. 

Првиот концерт е закажан за 18. март, вториот за 19.март во „Борис Трајковски“, а третиот за 21. март во спортскиот центар „Јане Сандански“. 

За претстојниот месец, февруари, за во Скопје е закажан голем концерт на регионалната музичка ѕвезда и една од најпопуларните пејачки на Балканот, Милица Павловиќ. 

- На 14 февруари за Денот на Вљубените публиката ќе има можност да ужива во експлозија од неверојатна енергија и апсолутен аудио-визуелен спектакл, најавуваат организаторите. 

Концертот е закажан за во арената „Борис Трајковски“.