СДСМ: Креиран лажен профил на Филипче на Фејсбук, шири несоодветни и лажни содржини

СДСМ преку соопштение известува дека е креиран лажен профил на претседателот на партијата Венко Филипче на Фејсбук и ги повикуваат граѓаните да не наседуваат. Од партијата посочуваат дека овој профил шири несоодветни и лажни содржини.

Ве известуваме дека е креиран лажен профил на Фејсбук со злоупотреба на името, податоци и фотографии на претседателот на СДСМ, д.р Венко Филипче. Од истиот лажен профил се шират несоодветни и лажни содржини, повици за членски книшки, повици за измислено здравствено осигурување а граѓаните се насочуваат на приватни пораки.

Ги повикуваме граѓаните и членовите да не наседнуваат и да не споделуваат никакви лични податоци кои можат да им бидат злоупотребени од страна на измамниците кои го креирале.

Разликата помеѓу официјалниот профил на претседателот на СДСМ и лажниот може да се препознае најлесно преку синиот беџ за ферификација којшто постои само на официјалниот профил на д-р Венко Филипче.

Лажниот профил е веќе пријавен и очекуваме брза реакција за негово бришење“, се вели во соопштението на СДСМ.