Реконструкција на бул. „Босна и Херцеговина“ во општина Бутел

Од Град Скопје известуваат дека во тек е реализацијата на проектот за изградба одржување и реконструкција на бул. „Босна и Херцеговина“ во општина Бутел.
Согласно динамиката на работа и известувањето од изведувачот на работите Фабрика Карпош А.Д. – Скопје предвидено е целосно затворање на крстосницата на бул. Босна и Херцеговина со ул. Александар Урдаревски и ул. Кемал Сејфула во престојниот викенд, ден сабота 28.11.2020 година од 09.00 часот до 18.00 часот.
Апелираме до сите учесници во сообраќајот да бидат внимателни и да ја прилагодат својата брзина на движење според условите на патот, како и да ја искористат околната улична мрежа за да стигнат до посакуваните дестинации.