Рецепт за пробиотик лимонада која го чисти нашиот организам

Оваа лимонада е одлична за чистење на цревата, детоксикација и јакнење на имунитетот. 

Photo by Kelvin Yan on Unsplash

Таа е освежувачки напиток кој го пиеме за да уживаме, но има и одличен ефект на целиот организам. Богата е со витамин Ц, што поволно делува на имунитетот, но ако имате и проблеми со надуеноста на стомакот, варењето и гасови, но и ако сакате да го исчистите телото од токсините, тогаш ова е совршениот избор за вас.

Потребни состојки:

6 шолји за кафе вода

1 шолји за кафе мед

1 шолји за кафе лимонов сок

½ шолји за кафе сурутка

Начин на подготовка:

Загрејте ја водата во тенџере на лесен оган, држејќи ја доволно топла за да се раствори медот (околу 40 степени). Матете без престан, а потоа исклучете ја ринглата и тенџерето тргнете го од шпоретот. Додадете го лимоновиот сок и сурутката и мешајте додека добро не се соединат.

Ставете ја вака подготвената лимонада во шише со капаче. Затворете го добро и оставете ја лимонадата да отстои на собна температура за да се ферментираат состојките, околу 4-7 дена. Можете и да го отворите шишето за да проверите дали пијалокот ја има газираноста која е потребна.

Медот во неа служи како природна замена за вештачките засладувачи, а тој е корисен и за јакнење на имунитетот. Претставува одличен антиоксиданс, содржи билни влакна и ги поддржува добрите бактерии во цревата. Освен тоа, медот е и моќно антибактериско и антивоспалително средство. 

Сурутката е богата со висококвалитетни протеини, бидејќи содржи есенцијални аминокиселини, но и витамини и минерали.

Лимонот е богат со витамин Ц кој го штити нашиот организам во текот на зимата.