Рецепт кој секогаш успева: Печени крофни

Потребно:

150 мл јогурт

20 гр свеж квасец

75 гр шеќер

2 јајца

½ лажички сол

75 гр стопен путер или маргарин

Околу 450 гр остро брашно

И уште:

Околу 50 гр стопен маргарин, шеќер

Подготовка:

Во 100 мл млака вода растопете го квасецот со лажица шеќер и малку сол.

Кога ќе се запени додадете го брашното во кое сте ставиле јајца, јогурт и стопен путер.

Замесете тесто кое треба да биде меко, да се лепи за рацете.

Замесеното тесто оставете го да нарасне двојно.

Потоа расукајте го тестото со сукало и вадете модли со чаша.

Тестото во принцип треба да се расука дебелина од 1 см, но може и малку подебело.

Редете ги на плех обложен со хартија за печење. Крофните оставете ги на нараснат двојно. Печете ги во рерна загреана на 180 степени, додека не поруменат.

Печените крофни веднаш премачкајте ги со растопен путер од сите страни извалкајте ги во шеќер.

Најдобри се кога се топли.