Расправија претходела на пукањето – МВР со детали за инцидентот по кој двајца повредени завршија во Градска

Двајца, а не еден повреден, е резултатот по денешниот инцидент кој завршил со истрели.

Како што соопштија од СВР Скопје за „Република“, денеска околу 13 часот кај нив било пријавено дека пред деловен објект во с.Љубош бил нарушен јавниот ред и мир помеѓу К.Н. и К.Х., од една страна и Н.Р. и М.Р., од друга, при што било употребено и огнено оружје.

Притоа со повреди се здобиле К.Н. и М.Р., кои биле пренесени во Градската општа болница „Св.Наум Охридски“ за укажување на лекарска помош. Четирите лица се обезбедени, како и нивните возила и оружјето, а по целосно расчистување и документирање на случајот ќе биде поднесен соодветен поднесок, велат од полицијата за „Република“.