Две лица се повредени во пукање што рано утрово се случило во Арачиново, информира Министерството за внатрешни работи.
Настанот бил пријавен во СВР Скопје во 5:45 часот, откако на улицата „18“ во селото се слушнале истрели од огнено оружје.
Полициски службеници од Полициското одделение Арачиново и Единицата за интервентна полиција излегле на местото, при што било утврдено дека било пукано кон патничко возило „шкода“ со скопски регистарски ознаки.
Во автомобилот се наоѓале И.И. (34) и Ш.И. (42), кои се здобиле со повреди и биле пренесени во ЈЗУ „Св. Наум Охридски“ за укажување лекарска помош.
Од МВР информираат дека се преземаат мерки за целосно расчистување на случајот.
