Проштална средба помеѓу градоначалникот на општина Гази Баба и Амбасадорот на Унгарија

Денес, 07.07.2022 година, во просториите на општина Гази Баба се оддржа проштална средба помеѓу градоначалникот на општина Гази Баба Бобан Стефковски и Амбасадорот на Унгарија во Република Македонија Н.Е. Ласло Иштван Дукс. За средбата градоначалникот Стефковски информираше на својата официјална страна на фејсбук.

 

„Утрово во просториите на општина Гази Баба имав средба со Амбасадорот на Унгарија во Република Македонија Н.Е. Ласло Иштван Дукс. Оваа средба се организираше по повод заминувањето на Амбасадорот од Република Македонија. На средбата истакнав благодарност до Амбасадорот, Н.Е. Ласло Иштван Дукс, за успешната соработка која ја имаше општина Гази Баба со Амбасадата на Унгарија во изминатиот период“, напиша Стефковски во својата објава.