Сезонските работници од општина Кисела Вода денеска се ангажирани во акцијата за собирање кабаст отпад што се спроведува во урбаните заедници Цветан Димов и Бирарија.
Граѓаните од овие две урбани заедници кабастиот отпад треба да го изложат во периодот од 7 до 11 часот пред своите домови и колективните згради на пошироките улици. Потребно е отпадот да не го попречува движењето на пешаците и возилата и местото да биде пристапно за возилата на општина Кисела Вода.
Габаритниот отпад утре ќе се собира од урбаните заедници Кисела Вода и Расадник. За останатите месни и урбани заедници кои ќе бидат опфатени во наредните седмици, жителите ќе бидат известени преку општинската веб-страница и преку референтите во подрачните канцеларии на нивните месни и урбани заедници.
Сезонските работници вчера ги подигнуваа старите и непотребни предмети со погабаритна големина од жителите на Пржино и Црниче.