Полицијата апсеше на повеќе локации во Скопје, при што приведени се пет лица.
- Вчера во 22:50 часот во Скопје, во подрачјето на Драчево, полициски службеници од Единицата за интервентна полиција при СВР Скопје го привеле Д.К. (20) од Скопје, бидејќи кај него била пронајдена и запленета марихуана, бела грутчеста и бела прашкаста супстанција.
- Вчера во 23:15 часот во Скопје, во општина Центар, полициски службеници од Единицата за борба против недозволена трговија при СВР Скопје го привеле К.А.П. (42) од Украина, кој престојува во Бугарија, откако кај него била пронајдена и запленета бела прашкаста супстанција.
- Денеска во 00.20 часот во Скопје, пред угостителски објект на подрачјето на Центар, полициски службеници од Единицата за недозволена трговија при СВР Скопје го лишиле од слобода С.И.(41) од Скопје, поради тоа што кај него била пронајдена и одземена прашкаста материја.
- во 01.00 часот во Скопје, на подрачјето на општина Аеродром, полициски службеници го лишиле од слобода С.Д.(27) од Кратово, поради тоа што кај него биле пронајдени и одземени марихуана и бела грутчеста материја.
- и во 02.00 часот во угостителски објект во Градскиот парк во Скопје, полициски службеници од Единицата за недозволена трговија при СВР Скопје го лишиле од слобода А.К.Х.(29) од Германија, поради тоа што кај него била пронајдена и одземена прашкаста материја.
По целосно документирање на случаите ќе следуваат соодветен поднесоци.
