Полициски службеници од Единицата за интервентна полиција при СВР Скопје денеска го лишиле од слобода Ш.А.(38) од Скопје кој бил баран по Централна потерница од Основен суд Скопје 1 за издржување затворска казна од една година и шест месеци.
Како што информираат од МВР, затворската казна му била одредена за сторено кривично дело „тешка кражба“ по член 236 од Кривичниот законик. Лицето ќе биде спроведено во казнено-поправна установа за издржување на казната.