Вчера попладне се случила сообраќајка со смртни последици.
На 02.08.2022 во 12.10 часот во ОВР Прилеп било пријавено дека на регионалниот пат с.Обршани-с.Крушеани, патничко возило „ровер фрилендер“, со прилепски регистарски ознаки, управувано од М.Ш.(41) од с.М.Коњари, прилепско, излетало од патот.
По несреќата, при транспорт до Градска болница Прилеп, М.Ш. починал во возило на Итна медицинска помош, информираа од полицијата.
Увид извршиле Јавен обвинител и екипа на ОВР Прилеп.
