Сообраќајот во централното подрачје во главниот град денеска ќе биде пренасочен од 10 часот. Одделението за безбедност на патниот сообраќај ќе изврши пренасочување на сообраќајот на крстосница Даме Груев – Васил Главинов во правец кон „Црвен крст“ и обратно од крстосница „11 Октомври – Кочо Рацин“.
МВР информира дека за денеска е најавен протест во организација од група граѓани „Млади за Македонија“.
Од Министерството повикаа на мирни протести и воздржување од насилни акти.
Протестот е под мотото „Никогаш Северна, секогаш Македонија“ и започнува во 20 часот пред Собранието, а е поддржан од повеќе граѓански здруженија.