Искрените прегратки ја греат душата, го хранат нашето срце, нè смируваат и ни носат радост.
Топлината на прегратките ни дава мир. Се чувствуваме прекрасно во друштво на таа личност, сфаќаме колку вредиме и чувствуваме сигурност што и да се случи.
Прегратките не решаваат ништо, но тие ни помагаат да се соочиме со неволјите, даваат неверојатна сигурност и надеж дека ќе биде добро. Тие се начин да покажеме дека ни значи некоја личност, без да кажеме ниту еден збор. Тие се доказ за длабока наклонетост и порака дека тука сме за другата личност.
Од тие причини, прегратките имаат моќ да ја зајакнат врската, да пружат утеха и да ни помогнат да се соочиме со сите животни тешкотии.
Многу пати сме далеку од луѓето кои ги сакаме, стотици километри се меѓу нас, па би дале сè на светот за нивната прегратка. Затоа, да ги прегрнуваме и сакаме луѓето кои се во нашата близина, а кои ни значат цел свет. Да им дадеме поддршка и љубов со магичната, топла моќ на прегратките.
