Повторно гужва пред вакциналниот пункт во салата „Борис Трајковски“

Во најголемиот вакцинален пункт, салата „А1 Борис Трајковски“ во Скопје продолжува масовната вакцинација денеска во земјава каде што е забележана огромна гужва, а притоа не се одржува ниту мерката дистанца, што е спротивно од мерките донесени за заштита од коронавирусот, објави ТВ21. Имено, денеска почнува вакцинацијата и со кинеската вакцина на Синофарм, која во петокот пристигна во нашата земја, а исто така има и ревакцинација.

Дел од присутните пред вакциналниот пункт најмногу се жалат на проблеми со закажаниот термин.

Очекувањата на здравствените власти се во 6 центри низ државата да се вакцинираат околу 15 илјади граѓани на ден.