Повредени се седуммина полицајци кои денеска се обидувале да задржат мир на протестот против пресудата за „Монструм“, јавува МИА.
Досега се знаеше дека се нападнати неколку полицајци, но и новинари-репортери кои известувале за настанот.
Денешниот протест започна во Чаир и требаше да продолжи до Владата, но кај Бит пазар полициски кордон ги пречека демонстрантите и ги спречи да продолжат понатаму. Во текот на протестот имаше неколку обиди да се пробие кордонот и полицијата беше повеќепати нападната, по што беа употребени шок-бомби за да се растераат демонстрантите.