Повредени 9 лица во 12 сообраќајки во Скопје

Во текот на изминатиот ден на подрачјето на Секторот за внатрешни работи Скопје се случиле 12 сообраќајни незгоди, во кои девет лица поминале со телесни повреди.

Во рамки на преземени мерки и активности, од сообраќај се исклучени 14 возачи од кои еден управувал возило под дејство на алкохол, а 13 возачи затоа што управувале возила без возачка дозвола.

Констатирано е, информираат од СВР Скопје, дека 43 возачи управувале возила со брзина поголема од дозволената.

Исто така, исклучени од сообраќај биле и 13 возила бидејќи биле нерегистрирани. Санкционирани се двајца возачи поради поминување на крстосница на црвено светло, двајца возачи поради неправилно престројување, тројца возачи поради неправилно престигнување и 10 возачи поради користење на мобилен телефон при управување на возило.

Санкционирани се и седум пешаци.

Во текот на изминатиот ден издадени се 103 мандатни платни налози.