Некој бизнисмен проаѓал покрај некое езеро и видел некој рибар како седи покрај чамец и пуши луле.
Му пришол и го прашал: „Зошто не ловиш риби?“
- „Затоа што уловив колку што ми беше потребно“ – одговорил рибарот.
- „Зошто не уловиш уште повеќе?“
- „А што би правел со толку многу риби?“
- „Би продал повеќе риби и би добил повеќе пари. Тогаш би можел да купиш мотор за чамецот и со него да одиш уште подалеку и да ловиш повеќе риби. Тоа би ти донело повеќе пари со кои би можел да купиш подобра мрежа. Така би имал и повеќе риби и повеќе пари. И потоа би можел да купиш уште еден чамец, па можеби и повеќе од еден. И тогаш би можел да станеш богат и да имаш многу пари, како мене.“
- „И што би правел тогаш?“
- „Тогаш вистински би можел да уживаш во животот.“
- „А што мислиш дека правам сега?“
