Градоначалникот на општина Ѓорче Петров, Александар Стојкоски информираше дека целосно се реконструирани дел од најстарите и најзапоставени улици во општината, кои за првпат после 50 години добиваат нов асфалтен слој.
„Во населбата Дексион, асфалтирани се вкупно 1.110 метри должина и 5.000 м² површина, со вкупна вредност од 4.900.000 денари:
- ул. Црногорска 2 – 600 м / 2.000 м²
- ул. Љубин – 150 м / 900 м²
- ул. Александар Македонски – 200 м / 1.000 м²
- ул. Андреј Зограф – 160 м / 1.100 м²
Со ова се враќа достоинството на овие улици, а жителите конечно добиваат услови какви што заслужуваат. Работиме посветено, чекор по чекор, за поуредена и поквалитетна општина“, напиша градоначалникот Стојкоски.
