Министерството за внатрешни работи ги информира граѓаните дека утре ќе има посебен режим на сообраќај во Скопје.
- Утре (06.01.2023) поради најавено одржување на настан за одбележување на Бадник во Скопје, од 10 часот се до завршување на настанот, за сообраќај ќе бидат затворени сообраќајниците околу соборниот храм “Св.Климент Охридски“ и тоа од објектот на Пошта на РСМ до крстосницата кај Соборниот храм и од крстосницата кај Соборниот храм до зградата на Владата на РСМ, информира МВР.
Одделението за безбедност на патниот сообраќај при СВР Скопје ќе преземе мерки за пренасочување на сообраќајот, како и мерки за посебен режим на сообраќајот на на околните сообраќајници.
СВР Скопје апелира до сите учесници во сообраќајот да се почитуваат наредбите кои ќе ги даваат униформираните полициски службеници.
