Во Словенија во последните 24 часа се регистрирани 8588 новозаразени со коронавирус, што е нов рекорд од почетокот на пандемијата.
Поради тоа се воведуваат и одредени промени, на пример, во образованието, ако во период од 14 денови 30% од учениците се заразат, тогаш класот оди во карантин, како и оние кои биле во ризичен контакт, при што треба да се тестираат секој ден, во тек на една недела.
Вработените во здравството, социјалните институции и образованието не одат во карантин, туку се тестираат секој ден, во тек на 7 дена, а притоа носат заштитни маски ФФП2.
Словенечките власти сметаат дека мерките се неопходни, иако не се идеални и дека епидемиолошката состојба ќе покаже на кој начин ќе се прилагодуваат во иднина.