Летните месеци се одлични да го збогатите вашето мени со пиперки, кои се полни со витамини и минерали, а исто имаат и специфичен вкус кои многу јадења ги прави повкусни и попривлечни.
Полнетите пиперки се неизоставен дел од македонската традиционална кујна, но ако го изоставите месото, ќе добиете полесен оброк, кој побрзо се приготвува.
Ова е нашиот денешен предлог:
8 поголеми свежи пиперки
300 гр сирење
Две јајца
Две лажици гриз
Сол по вкус
Масло
Зачини
Подготовка:
Пиперките исчистете ги на вообичаен начин. Подгответе смеса од иситнетото сирење и јајцата, ставете гриз и зачинете. Премачкајте ја тавата за печење со масло и наредете ги наполнетите пиперки.
Печете половина час на температура од 200 степени.
