Во периодот од 22.00 часот на 08.08.2026 до 04.00 часот на 09.08.2026 година, Секторот за сообраќајни работи при Министерството за внатрешни работи спровел зајакната акциска контрола на територија на целата државата, насочена кон санкционирање на возачи кои управуваат возило под дејство на алкохол, информираа од МВР.
При акциската контрола, како што посочија оттаму, кај 60 возачи било утврдено присуство на алкохол. 55 возачи биле санкционирани согласно Законот за безбедност на сообраќајот на патиштата, додека за пет возачи се поднесени соодветни пријави од Кривичниот законик.
Дополнително, биле откриени и санкционирани и 124 други видови сообраќајни прекршоци.
„Министерството за внатрешни работи и понатаму ќе продолжи со засилени сообраќајни контроли со цел зголемување на безбедноста во сообраќајот и намалување на ризиците од сообраќајни незгоди“, порачаа од МВР.
