„Почивај во мир легендо, секогаш ќе останеш во нашите срца. Почивај во мир брате. Секогаш весел и позитивен таков ќе те паметиме".
Вака денеска Комитите се простуваат со младото момче кое вчера трагично почина на игралиште во скопска Кисела Вода.
Околу 19 часот и 30 минути во Секторот за внатрешни работи Скопје, на игралиштето во населбата „11-ти Октомври“, починало младо момче.
Полицијата денеска информира дека додека 24-годишниот Д.К. од Скопје играл фудбал, му се слошило, по што паднал на игралиштето и починал.
Од страна на лекар од Итната медицинска помош била констатирана смрт. Со согласност на Јавен обвинител телото на починатиот било предадено на семејството за погреб.
