Македонската јавност денеска се прости од Јован Донев, универзитетски професор, научник, дипломат и автор, кој со децении беше присутен во академскиот, политичкиот и јавниот живот во земјава.
Донев беше професор по политички науки и истражувач во областа на историјата на меѓународните односи. Во текот на својата професионална кариера извршуваше и дипломатски функции, меѓу кои и функцијата амбасадор на Македонија во Обединетото Кралство.
Автор е на повеќе трудови и публикации, а неговиот интерес опфаќаше македонската историја, меѓународните односи, политиката и прашањата поврзани со националниот идентитет. Неговиот академски и јавен ангажман често беше проследен со отворени и директни ставови за најзначајните општествени и политички прашања.
Со неговото заминување, македонската јавност губи интелектуалец чиј професионален пат остави трага и во науката, и во дипломатијата, и во јавниот дискурс.
Јован Донев почина на 70-годишна возраст.
