Јавното претпријатие Паркинзи на Општина Центар (ПОЦ) денеска официјално ги отвори своите нови канцеларии.
„Со отворањето на новите канцеларии за грижа за корисници создаваме посовремен, пофункционален и подостапен простор, во кој граѓаните ќе можат поедноставно и поефикасно да ги добијат потребните информации и услуги“, посочија од ПОЦ во објава на социјалните мрежи.
Оттаму наведуваат дека на отворањето, градоначалникот на Општина Центар, Горан Герасимовски, и директорот на ЈП ПОЦ, Душко Коцевски, ја истакнале заедничката определба за унапредување на услугите, модернизација на претпријатието и постојано подобрување на односот со корисниците.
Новите канцеларии за грижа за корисници се наоѓаат на приземјето на дирекцијата на ЈП ПОЦ, на булевар „Гоце Делчев“ бр. 14 во Скопје.
