По пожарот на старите прагови во Куманово, железничкиот сообраќај се одвива редовно

Јавното претпријатие за железничка инфраструктура Железници информира дека поради опожарени стари дрвени прагови во станичното подрачје на железничката станица Куманово и гаснење на истите, заради безбедносни причини беше исклучен напонот за електровлеча помеѓу железничката станица Куманово и железничката станица Табановце во 17.35 часот.

Сообраќајот на возовите помеѓу железничката станица Куманово и железничката станица Табановце се одвива редовно за патнички и товарни возови со провлекување на возовите со дизел локомотиви. Екипите на Јавното претпријатие за железничка инфраструктура заедно со противпожарната бригада од Куманово учествуваат во гаснење и локализирање на пожарот и постапуваат согласно со упатството за гаснење на пожари. Екипите остануваат на терен до целосно неутрализирање на пожарот.