По објавата на Скопје Инфо дека Сашо Мацановски Трендо најверојатно влегува во трка за градоначалник на скопската општина Центар како кандат на опозициската ВМРО-ДПМНЕ, тој за Фактор вели дека тоа не е точно.
-Секои изборни циклуси ме прават кандидат за градоначалник. Но, ниту сме разговарале со партијата, ниту пак ВМРО-ДПМНЕ ме прашале. Јас сум задоволен со тоа што го работам во моментов, така што навистина такво нешто не постои. Дури и се шегував со ваквите информации, напишав не на Центар, туку на Центар Жупа, вели Трендо за Фактор.
Инаку, изворите на Скопје Инфо велат дека иако кандидатурата се уште не е потврдена и тој истото го демантира, сепак имало преговори за влез на Мацановски во трката за градоначалничката позиција.
