По информацијата дека по втор пат годинава се појавила шуга во основното училиште „Владо Тасевски“ во Козле, се огласи и директорката на училиштето, Елка Даскалова.
„Почитувани родители, Ве известувам дека во 10:30 часот ќе во нашето училиште ќе се изврши вонредна дезинфекција, заради појава на изолиран случај на SCABIES (шуга).
Станува збор за ученик од второ одделение кај кој пред 8 месеци беше констатѕирана оваа болест.
Денес, повторно се случи истото и заради превентива ќе се постапи според утврдениот протокол на Центарот за јавно здравје“, пишува во соопштението.
Известувањето е објавено на интернет страницата на основното училиште.