Од Театар Комедија информираат дека денес започна реновирањето на гледалиштето – прво по повеќе од 60 години. Проектот опфаќа целосна санација на подот и поставување нови столчиња, а ќе трае до 20 ноември.
Од театарот најавуваат дека веќе на 28 ноември ќе се одржи премиерата на претставата „Ивона, принцезата на Бургунд“, во режија на Билјана Радиноска и со Александар Ивановски како соработник на режија, во целосно обновен простор.
Реновирањето е финансиски поддржано од Polish Aid – програмата за развојна соработка на Владата на Република Полска, и од Министерството за култура и туризам на Република Македонија.
