Градоначалникот на Општина Аеродром, Дејан Митески денеска информираше дека по цели 33 години, за првпат се врши целосна реконструкција и обновување на горниот кат од објектот „Буба Мара“ во Ново Лисиче.
„Најмладите од септември ќе ги пречекаат нови и значително подобри услови за престој. Денеска го посетив објектот и извршив увид во текот на работите. На горниот кат се врши замена на подовите во сите занимални и простории, се заменуваат вратите и се бојадисува целиот простор“, истакна Митески.
Тој нагласи дека дечињата од септември ќе престојуваат во убаво уреден и целосно освежен простор, со нов мебел и нови дидактички материјали, создадени за нивниот пријатен престој, игра и учење.
„По 33 години, „Буба Мара“ добива ново и современо лице, а најважно од сè – подобри услови за дечињата“, порача градоначалникот.
