Придобивките од пливањето започнуваат веднаш штом скокнете во базен, море, река или езеро, а продолжуваат и откако ќе излезете од вода.
Уникатните својства на водата носат непосредни физички придобивки, како што е намалување на болката - вели специјалистот за пливање Ендрју Пауер.
Истражувањата покажуваат не само краткорочни, туку и долгорочни придобивки за менталното здравје, вклучително и потенцијално намалување на ризикот од рана смрт и поддршка на здравото стареење.
Кои се сите предности од пливањето?
Подолг животен век
Истражувањата покажуваат дека редовното вежбање, вклучително и пливањето, може да ја зголеми вашата долговечност. Според извештајот од 2017 година, пливачите имале 28 отсто помал ризик од прерана смрт и 41 отсто помал ризик од смрт од срцеви заболувања и мозочен удар во споредба со непливачите.
Витко тело
Пливањето е вежба за целото тело; вклучува сè - раце, нозе, рамења, стомак, гради и грб. За еден час пливање, едно лице може да согори околу 432 калории. Студијата објавена во 2021 година во „BMC Sports Science, Medicine and Rehabilitation“ покажа дека 16 недели пливање довело до значително намалување на телесните масти и индексот на телесна маса (БМИ).
Здравје на кардиоваскуларниот систем и белите дробови
Како и другите форми на аеробни вежби, пливањето може да ја подобри кардиоваскуларната кондиција. Пливањето овозможува срцето да стане посилно, а белите дробови да станат поефикасни во користењето на кислородот – вели др. Брајан Кабак. Истражувањата покажуваат дека пливањето е поврзано со подобрувања на хипертензијата и други маркери на кардиоваскуларното здравје.
Photo by Brian Matangelo on Unsplash
Ако ви е дијагностицирана болест на белите дробови како што е астма или хронична опструктивна белодробна болест, пливањето е „магичен лек“. Пливањето ги тренира мускулите вклучени во дишењето, што значи дека може да го зголеми волуменот на белите дробови и да ја усоврши техниката на дишење – објаснува Кабак. Дополнително, ако имате астма, базенот обезбедува идеална средина за вежбање бидејќи е влажна, топла средина со малку полен.
Подобри когнитивни функции, расположение и сон
Вежбањето генерално е поврзано со подобрени когнитивни способности, но кога истражувачите ги разгледале специфичните придобивки од пливањето, откриле единствена придобивка.
Во едно мало истражување, учесниците кои пливале 20 минути со умерен интензитет, подобро ги обработувале визуелните информации и побрзо реагирале на когнитивните тестови спроведени непосредно пред и веднаш по пливањето. Иако тоа е мал ефект (околу четири проценти во просек), фактот дека само еден тренинг направи мерлива разлика е извонреден.
Друга студија покажала дека една сесија на пливање го подобрува расположението дури и повеќе од една сесија на аеробно танцување. Поради ослободување на среќни хемикалии во мозокот, особено ендорфин, допамин и серотонин, редовното пливање може да го намали стресот, анксиозноста и депресијата. Подобрениот сон е придобивка од следењето на која било рутина за вежбање, а тоа вклучува и пливање.
Помага кај хронични заболувања и долготрајна болка
Состојбите како артритис и фибромијалгија често доаѓаат со намалена подвижност и во многу случаи краткотрајна или долготрајна болка. Ова е местото каде што пливањето може да биде корисно. Докажано е дека низа водни активности им помагаат на луѓето со мускулно-скелетни состојби да ја подобрат физичката функција и квалитетот на животот.
Една студија покажала дека кај луѓето со остеоартритис, тримесечната програма за пливање (учесниците пливаа 45 минути три дена во неделата) доведе до помала болка и вкочанетост во зглобовите, како и подобрување на мускулната сила. Студијата покажа дека три до шест часа пливање неделно ја подобрува минералната густина на коските кај жените во постменопауза, особено кај пливачите со долго траење.
