„Пластичарска“ расчистена од диво паркирани автомобили (фото)

Сообраќајната полиција во последните неколку дена ги интензивираше активностите, во чии рамки само за време на викендот беа спроведени 2335 сообраќјни контроли и изречени околу 1.000 казни.

Речиси секој петти скопјанец викендов возел под дејство на алкохол, покажуваат резултатите од неколку одвоени акции на сообраќајната полиција на територијата на Град Скопје, изминатиот викенд. Од проверени 2335 граѓани, во 480 од нив е утврдено присуство на алкохол во крвта, а други 454 лица направиле некој сообраќаен прекршок.

Контролите се интензивираат и во проблематичните подрачја на Скопје, каде претходно немаше редовно присуство на полиција.

Овој пат, полицијата постави свои контролни точки и во населбата Чаир, како и на т.н. „Пластичарска“ улица во Скопје, од каде се отстранети диво паркираните автомобили, и е воведен каков-таков ред во сообраќајот.

„Решиле да го средат Чаир, пластичарска среде бел ден. Да даде Господ и понатаму вака да биде“, коментираат граѓаните на социјалните мрежи.