Кога непосредно пред натпреварот со ПИК Сегед од четвртфиналето, Сергеј Самсоненко со долго писмо на клупската веб страница ја извести јавноста дека заминува од Вардар и дека проектот завршува, многумина го искритикуваа дека го погрешил моментот на објава.
Сепак, Русинот толку силно ја мотивира и сплоти екипата, што Вардар најдобрите изданија ги сочува за веднаш по таа негова објава. Го декласира ПИК Сегед, а во Келн одигра две незаборавни партии во два дена и стана европсски првак по вторпат во својата историја.
Со Русинот на чело, Вардар воспостави хегемонија во СЕХА лигата, а сега го оствари она што му успеало само на Кил откако се игра овој формат на Лигата на шампионите – да стане европски првак двапати во три години!