Во последното деноноќие, пет пријавени случаи за семејно насилство, при што уапсено било едно лице.
Од Министерството за внатрешни работи споделија детали за инцидентите.
Вчера во 16:00 часот во Битола, полициски службеници од СВР Битола го лишиле од слобода Г.Б.(43) од Битола затоа што физички ја нападнал својата мајка.
Вчера околу 11:00 часот во СВР Куманово, 65-годишна жена од Куманово пријавила дека подолг временски период нејзиниот син И.А.(35) агресивно се однесувал и психички ја малтретирал.
Исто така вчера во 10:40 часот во ОВР Струга, 56-годишна жена од струшко пријави дека нејзиниот партнер подолг временски период физички и психички ја малтретирал, а дента ја избркал од дома, при што ѝ ги одзел клучевите од домот.
Синоќа во 19:30 часот во СВР Скопје 59-годишна жена пријави дека околу 13:00 часот на подрачјето на Центар нејзиниот поранешен сопруг Љ.Ц.(65) упатувал закани кон неа и нивниот син.
Ноќеска во 00:15 часот во СВР Скопје 48-годишна жена пријави дека на 15.04.2026 нејзиниот поранешен партнер Д.Н.(51) упатувал телефонски закани кон неа, нејзините деца и кон нејзиниот поранешен партнер.
„Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави“, посочија од МВР.
