Пет лица загинаа во сообраќајната несреќа која рано утрово се случила во близина на бензинската пумпа на влезот од населбата Драчево во Скопје. Три лица починале на лице место, а две лица починале на скопските клиники. Неофицијално меѓу загинатите има и малолетно девојче.
Несреќата се случила кога патничкото возило „рено 5“ директно удрило во камион за собирање на смет.
Според очевидци, „реното“ се движело со поголема брзина при што изгубило контрола и директно удрило во камионот за смет.
На лице место биле дојдени возила на полицијата, на итната медицинска помош, противпожарникарски и возила на погребалното претпријатие.
Од МВР подетални инфромации најавуваат за денеска.
