Ова е вкус во кој ќе се заљубите.
Photo by Markus Winkler on Unsplash
Состојки:
700 г компири
3–4 чешниња лук (ситно сечкани)
3 лажици маслиново масло
Сол и црн пипер по вкус
Сув рузмарин или мајчина душица (по желба)
Малку свеж магдонос, ситно исечкан
Подготовка:
Загрејте ја рерната на 220°C.
Измијте ги компирите добро и пресечете ги на парчиња (со кората).
Ставете ги во голем сад и додајте маслиново масло, сол, пипер и суви зачини. Добро измешајте за секое парче да биде рамномерно обложено.
Наредете ги компирите на хартија за печење во еден слој.
Печете ги околу 30–35 минути, додека не добијат златна боја и крцкава кора. На половина време превртете ги со шпатула.
Кога ќе се испечат, ставете ги во голем сад, додадете ситно сечкан лук и свеж магдонос и внимателно промешајте.
Послужете ги веднаш — идеални се како прилог со месо, риба или само со јогурт и салата.
Совет:
За уште подобра арома, можете да додадете неколку капки лимонов сок или рендана кора од лимон пред сервирање.
