Собраниското мнозинство го изгласа Законот за двојазичност, но тој не може да стапи во сила се додека указот не го потпише претседателот на државата, Ѓорге Иванов. Но, тоа не значи дека во оваа држава не може да се применува.
Иако Иванов не го дава потписот на закон кој задира во идентитетот на Македонецот, актуелната власт, на централно и на локално ниво, го спроведува на големо. И не само што македонскиот и албанскиот се изедначуваат, многу често македонскиот јазик му е потчинет на албанскиот.
„Улици и патишта“ немаат кога да се позанимаваат со дупките на патиштата, како што се гледа на оваа фотографија, но се брзи и ефикасни во спроведување на непотпишаниот Закон за двојазичност.
