Овие луѓе ги сакаат работите кои можат да ги допрат. Не се заинтересирани премногу за филозофски разговори, тие повеќе се заинтересирани за тоа што ќе вечераат. Заинтересирани се за сензуалните уживања во животот, добар оброк, добра пијачка и добра масажа. Познати се по својата тврдоглавост и еден од ретките начини за да ги убедите во нешто е да им понудите нешто од горенаведеното.
Сигурно погодувате: Се работи за Биковите!
За нив е најважна сигурноста дека ќе преживеат, а откако ќе го осигураат тоа, сѐ останато се сведува на удобност. Ниту еден друг знак нема поудобна зона на удобност од Биковите. И ниту еден друг знак не е толку решен да остане во таа зона. Со оглед на тоа дека нивната главна мотивација е стабилноста, често се наоѓаат во чудни околности, но остануваат во тие ситуации затоа што тоа им е познато. Тоа може да биде фрустрирачки за нивните пријатели, семејство и партнерите кои знаат дека тие можат многу подобро од тоа.
Давање непосакувани совети не е добра идеја за никого, а особено кога се во прашање Биковите! Дури и ако некогаш побараат совет од нас, тие нема премногу да разговараат за тоа. Ако го знаете тоа, ќе си заштедите многу нерви во вашата комуникација со Биковите.
Зошто тогаш остануваме покрај овие тврдоглави луѓе? Можеме да го сумираме тоа во еден збор: Лојалност. Биковите секогаш ќе бидат тука за вас. Тие можеби нема да ви купуваат скапи подароци, нема да ве носат на патувања, но тие секогаш ќе бидат тука кога ќе ви треба некој за да ве крене од земја, кога не можете сами да станете.
Тие секогаш ќе имаат посебно столче за вас кога ви е потребно место на кое ќе се скриете од брзиот живот и каде ќе пронајдете малку мир. Никогаш нема да бидете гладни кога сте со нив, тие тоа природно не би го дозволиле.
„Полека, но сигурно“ е нивната изрека. Тие секогаш напредуваат полека. Сепак, во таа бавност, создава длабоки корени кои му даваат долговечност.
Без оглед на тоа што прави, Бикот ќе го направи овој свет подобро место за живеење.
И ние сме им благодарни за тоа.
