Родените во знакот Овен се авантуристи кои постојано сакаат да искусуваат нови нешта. Тие се вистински индивидуалци кои имаат сопствен пристап кон животот и не сакаат многу да ги слушаат другите. Самоуверени се и силни и многу забавни личности, кои постојано имаат приказни за раскажување.
Тие се првиот знак во хороскопот кои сакаат да ги анализираат работите во нивниот живот. Имаат силно его, но и потреба за слобода во својот живот. Отворени се и прогресивни кои секогаш се однесуваат според сопствените уверувања. Тие не сакаат да ја следат толпата и секогаш имаат свој сопствен став за работите кои се случуваат. Многу се вознемируваат кога луѓето сакаат да го наметнат нивниот став.
Во детството и младоста, тие се спонтани, отворени и среќни личности. Сепак, тие се големи индивидуалисти кои се ориентирани кон себеси и не размислуваат многу за другите луѓе. Бараат одобрување од другите бидејќи имаат потреба од тоа, но не сакаат другите да им кажуваат што да прават.
Сакаат да се натпреваруваат во животот и речиси секогаш победуваат. Имаат огромна енергија и постојано се во движење. Секогаш сакаат да се справат со проблемот и да го решат бидејки сметаат дека тоа е подобро од бегањето од проблемите.
Овните имаат силна потреба да ги водат другите луѓе. Сакаат да бидат лидери и да им го покажат на луѓето вистинскиот начин како да се успее. Интензивни се и често успеваат во тоа што и да замислат, но ако не го постигнат тоа стануваат многу тажни и потребно им е време да почнат да веруваат во себе.
Во љубовта се директни, отворени и сакаат да флертуваат. Силно веруваат во љубов и ја гледаат како авантура во која постојано треба да внесуваат новини во врската за да биде интересна љубовта. Секој ден поминат со нив е исполнет со интересни работи и тие секогаш ќе се погрижат љубовта да не биде досадна или просечна.
Раскинувањата ги доживуваат многу тешко, бидејќи секогаш размислуваат дали можеле повеќе да направат. Ќе се трудат сите други да ги убедат дека се добро, но во себе чувствуваат голема и силна болка. За среќа, тоа не трае многу.
Како пријатели, секогаш е интересно со нив. Сакаат многу луѓе и пријатели околу себе, но живот би дале само за оние најблиските. Да се биде пријател со нив, значи да се подготвите на саркастичен интересен хумор и многу шеги на ваша, но и на нивна сметка.
Најсреќни се кога им се дава улогата на лидери.
