Во сабота, 23 септември, во Младинскиот културен центар во Скопје ќе се одржи 13-тото издание на мегапопуларниот фестивал Здраво млади.
На неколку бини организаторот на посетителите ќе им понуди многу различни изведувачи и видови музика со гости од соседството и пошироко.
Некои од настапувачите, како што ги опишува органиозаторот:
PVA од Лондон, колку сме среќни дека го иамме бендов, не сте свесни. Најверојатно последниот воз да го гледаме бендов у МКЦ, многу скоро ќе полетаат накај вселената.
THE MAUSKOVIC DANCE BAND, фантастична кумбиа, мејд ин Амстердам. Поправен за скопска публика, беа на Cinedays 2018.
VOJKO V, трета среќа. Го одложувавме два пати, сега нема каде да бега, Војко Вручина за прв пат во МКЦ.
PLANET OPAL хроматско пулсирачко space дуо од Италија.
ESCAPE-ISM е проект на Ian Svenonius, а Ian Svenonius е пеач во Make-Up, Chain and the Gang, Nation of Ulysses. Ако сте го пропуштиле тој час по музичка историја, еве ви шанса за поправен.
DOPE KUKJATA е супер забавна скопска рапп дружина. Добри дечки. Уште подобри лајв.
YMNK работи на струја, а повремено свири и гитара, а е одличен во живо.
MY TEAR, искрено, солза пуштивме кога го договоривме ова култно скопско трио, со мала измена во поставата, ќе го претстават новиот албум. Едвај чекаме!
ZHIVA, нова и надежна српска соул r'n'b звезда.
NEMANJA од Хрватска, global psychadelic grooves, го промовираат новиот албум Voodoo beat.
КАЛАТА, најверојатно еден од најдобрите нови македонски бендови. Гарантиран квалитет!
ĐUTKO I PLODOVI ZEMLJE кралот на агро поп панкот, мајстор на фешти, после 4 гемишта сѐ е рамно, вклучувајќи го и Велебит.
YOLANDE BASHING Une chanson électro entre mélancolie excitée.
THE OMY експлозивен бенд во живо, Москва виа Белград, артисти на пат.
DJ FITZ DJ FITZ DJ FITZ DJ FITZ, овој пат со два локални помошници Ертунч Сали и Ајнур Касо.
Други кои ќе настапат се и португалската пејачка и мултиинструменталистка Rita Braga, како и диџеите JD Zazie, Margaret Unknown и Елизабета Костадиновска.
