Отстранети дивите продавачи од Зелен пазар

Комуналната инспекција на Општина Центар денес интервенираше во просторот околу Зелено Пазарче, информира градоначалникот на општината на неговиот фејсбук профил.

Дивите препродавачи на производи се дислоцирани, а пешачките улички и патеки во околината се повторно слободни и проодни, вели во објавата.

„Уште еднаш упатувам апел до сите препродавачи да се придржуваат до одредбите за користење на јавната површина, во спротивно, производите ќе им бидат одземени и согласно законите, ќе им биде изречена парична глоба“, предупредува Богдановиќ.